بسم الله الرحمن الرحيم
صباح الخير
قصدي مساء الخير
قصدي اهلا يا شباب
مرحبا بيكم في مدونتي الفاشلة
موضوعنا انهارده بيتكلم عن
عن
عن
عن
يوم مقرف من الايام السعيدة لطالب هندزة
انهارده صحيت بدري 10 دقايق عن المنبه
مش عارف ازاي عملتها بصراحة
بس المهم اني صحيت ..
بعد ما صحيت قررت اني اشيل البطانية من عليا بعد ما كنت متمسك بيها بايديا وسناني
بعد كده اتوضيت وصليت الصبح ..
بعدين نزلت تحت الشارع
وانا بعدي الشارع لقيت الباص في وشي
قمت شاورتله بسرعة وجرررررريت وراه لغايت ما شافني من المراية ووقف بعدها ب 50 متر بس
المهم
ركبت الباص لقيته فاااااضي محدش كان راكب قبلي
المهم
وصلنا الكلية بسلام و الحمدلله
بعد كده دخلنا جرينا الى معمل الفيزياء بسرعة عشان نلحق الاختبار
المهم
وقفنا 5 دقايق بره
بعد كده قالولنا تعالوا
طبعا لقيت جيش المغول بيهجم على الغرفة
كانوا محتاجين امن مركزي عشان يرجعوهم
المهم
جريت وراهم ودخلت بينهم لغايت ما وصلت للباب بسلام
بعد كده لقيت المشرفة بتصرخ في الطلاب : ارررررررجع يا باش مهندس انت وهوااااا
طبعا بتقولها و عفاريت الدنيا كلها بتتنطط جوا عينيها
المهم ..
انا رجعت تاني .. وقولت فيها ايه لما استنى شوية
بعدين وقفت لغايت ما جيه دوري وقالتلي ادخل يا باشمهندس
دخلت ..
قالتلي طلع الكارنيه بتاعك واختار ورقة من الورق المقلوب
طلعت الكارنيه
احنا عندنا 8 تجارب
اخترت ورقة منهم .. طلعت تجربة نيوتن للتبريد (ربنا يقرفه وهوا ميت
)
طول عمره مقرف وقوانينه مقرفة .. حتى التجارب بتاعته ..
قمت رميت التجربة بتاعته بخفة وسرعة واخترت واحدة تانيه اللي هيا : معامل اللزوجة
المهم ..
خدتها بسرعة ودخلت ووقفت عند المكتب المكتوب رقمه على الورقة ..
ولقيت ادوات التجربة كلها موجودة
الحمدلله التجربة جت سليمة ..
وانا شغال فيها .. كان جنبي واحد معاه تجربة تشبه تجربة نيوتن عمال يقولي : احمد .. هنعمل ايه هنا
وانا بيني وبين نفسي : ابعد عني يا ..................
المهم .. مرديتش عليه خالص وعملت نفسي عبيط
بعد ما طلعنا من التجربة ..
لقينا حالات كتير برة المعمل ..
ناس هتتجنن من الفرحة ..
وناس قرفانة من نفسها
وناس علطول عندها عاهة نفسية ومكشر علطول
انا طبعا متعود ع المناظر المقرفة دي كل يوم
المهم ..
رحت وانا اتنين اصحابي نهجول في الاكاديمية شوية ..
يمين شمال فوق تحت لغايت ما رجولنا تعبت من المشي
واليوم خلص بسرعة
جيت اركب باص ..
قلت هركب واحد تاني غير عم حسن .. العملية مش ناقصاه ((اللي متابعين المدونة عارفين السبب .. او اقرءوا التدوينة السابقة علطول ))
المهم ..
دورت على واحد تاني ..
لقيت واحد لابس نظارة شمس وشكله كوول ع الاخر .. و الباص بتاعه نضيف
يدوبك اول ما طلعنا ..الراجل شغل اغاني في الباص وكنا ماشيين زي الفل في الطريق السريع
وفجأة
طاااااااااااخ
انا اتخبطت مرة واحدة في الكرسي اللي قدامي بقووة
ببص حواليا لا اراديا بسرعة عشان اشوف ايه اللي بيحصل
لقيت المعلم خبط واحد قدامنا ..
كان واحد قدامنا راكب عربية من عهد ال فرعون والعربية بطلت مرة واحدة
انا قلت بيني وبين نفسي
يادي النحس
المنحوس منحوس
اول مرة اركب الباص النضيف ده يعمل فيها حادثة
المهم المعلم بتاع الباص كان غلطان مية مية
قام بهدوء رجع بالباص ورا ..
وقام عدل نفسه وخلع
المهم صاحب العربية القديمة عرف يشغل عربيته مرة تانيه
وقعد يجري ويتنطط قدامنا لعل وعسى بتاع الباص يقف ولكن هيهات
المعلم بتاع الباص زوود السرعة وخلع
بصراحة بصراحة
عاملين كأننا في فيلم اكشن
مطاردة بين عربية ملاكي و باص
المهم ..
وصلنا البيت بسرعة ..
قمت نزلت وطلعت جررري
جيت اطلب الاسانسير .. لقيته عطلااااان
ناديت عم سامح
يا عم ساااااااااااااااااامح الاسانسير عطلااان ليه
سامح : لا يا حبيبي .. دي الكهرباء فاصلة بس
ينهار اسود .. دنا في الدور التامن يا عم سامح
سامح : لا يا حبيبي .. مهو الاسانسير الفردي شغال
انا : يعني الكهرباء مخاصمة الاسانسير بتاعنا بس ؟؟؟
المهم ..
طلعت في الاسانسير الفردي في الاخر ونزلت دور بحاله من فوق ..
بس ده كان حل افضل من طلوع 8 ادوار
المهم ..
قعدت اخبط ع الجرز
ترررررن ترررررررن تررررررررررن ترررررن ترررررررن تررررررررررن ترررررن ترررررررن تررررررررررن
مفيش حد بيفتح برضه
قعدت اخببببببط لغايت ما جدتي حفظها الله وصلت لباب البيت وفتحتلي
قلتلها فين الجماعة يا تيتا
قالتلي لا دول خارجين شوية بس
المهم ..
دخلت وقعدت
اتفرجت ع التلفزيون شوية ..
بعدين فتحت اللابتوب ..
فتحت الالعاب الجماعية اللي بلعبها
بعدين افتكرت المدونة
بعدين فتحت المدونة و ضغطت على زر اضافة موضوع
وبسسسسسسس
وسلامتكم
ده كان ملخص ليوم غريب وعجيب من حياة طالب هندزة
اتمنى اني اكون خنقتكم كالعادة بقصص ايامي العجيبة
صباح الخير
قصدي مساء الخير
قصدي اهلا يا شباب
مرحبا بيكم في مدونتي الفاشلة
موضوعنا انهارده بيتكلم عن
عن
عن
عن
يوم مقرف من الايام السعيدة لطالب هندزة
انهارده صحيت بدري 10 دقايق عن المنبه
مش عارف ازاي عملتها بصراحة
بس المهم اني صحيت ..
بعد ما صحيت قررت اني اشيل البطانية من عليا بعد ما كنت متمسك بيها بايديا وسناني
بعد كده اتوضيت وصليت الصبح ..
بعدين نزلت تحت الشارع
وانا بعدي الشارع لقيت الباص في وشي
قمت شاورتله بسرعة وجرررررريت وراه لغايت ما شافني من المراية ووقف بعدها ب 50 متر بس
المهم
ركبت الباص لقيته فاااااضي محدش كان راكب قبلي
المهم
وصلنا الكلية بسلام و الحمدلله
بعد كده دخلنا جرينا الى معمل الفيزياء بسرعة عشان نلحق الاختبار
المهم
وقفنا 5 دقايق بره
بعد كده قالولنا تعالوا
طبعا لقيت جيش المغول بيهجم على الغرفة
كانوا محتاجين امن مركزي عشان يرجعوهم
المهم
جريت وراهم ودخلت بينهم لغايت ما وصلت للباب بسلام
بعد كده لقيت المشرفة بتصرخ في الطلاب : ارررررررجع يا باش مهندس انت وهوااااا
طبعا بتقولها و عفاريت الدنيا كلها بتتنطط جوا عينيها
المهم ..
انا رجعت تاني .. وقولت فيها ايه لما استنى شوية
بعدين وقفت لغايت ما جيه دوري وقالتلي ادخل يا باشمهندس
دخلت ..
قالتلي طلع الكارنيه بتاعك واختار ورقة من الورق المقلوب
طلعت الكارنيه
احنا عندنا 8 تجارب
اخترت ورقة منهم .. طلعت تجربة نيوتن للتبريد (ربنا يقرفه وهوا ميت
) طول عمره مقرف وقوانينه مقرفة .. حتى التجارب بتاعته ..
قمت رميت التجربة بتاعته بخفة وسرعة واخترت واحدة تانيه اللي هيا : معامل اللزوجة
المهم ..
خدتها بسرعة ودخلت ووقفت عند المكتب المكتوب رقمه على الورقة ..
ولقيت ادوات التجربة كلها موجودة
الحمدلله التجربة جت سليمة ..
وانا شغال فيها .. كان جنبي واحد معاه تجربة تشبه تجربة نيوتن عمال يقولي : احمد .. هنعمل ايه هنا
وانا بيني وبين نفسي : ابعد عني يا ..................
المهم .. مرديتش عليه خالص وعملت نفسي عبيط
بعد ما طلعنا من التجربة ..
لقينا حالات كتير برة المعمل ..
ناس هتتجنن من الفرحة ..
وناس قرفانة من نفسها
وناس علطول عندها عاهة نفسية ومكشر علطول
انا طبعا متعود ع المناظر المقرفة دي كل يوم
المهم ..
رحت وانا اتنين اصحابي نهجول في الاكاديمية شوية ..
يمين شمال فوق تحت لغايت ما رجولنا تعبت من المشي
واليوم خلص بسرعة
جيت اركب باص ..
قلت هركب واحد تاني غير عم حسن .. العملية مش ناقصاه ((اللي متابعين المدونة عارفين السبب .. او اقرءوا التدوينة السابقة علطول ))
المهم ..
دورت على واحد تاني ..
لقيت واحد لابس نظارة شمس وشكله كوول ع الاخر .. و الباص بتاعه نضيف
يدوبك اول ما طلعنا ..الراجل شغل اغاني في الباص وكنا ماشيين زي الفل في الطريق السريع
وفجأة
طاااااااااااخ
انا اتخبطت مرة واحدة في الكرسي اللي قدامي بقووة
ببص حواليا لا اراديا بسرعة عشان اشوف ايه اللي بيحصل
لقيت المعلم خبط واحد قدامنا ..
كان واحد قدامنا راكب عربية من عهد ال فرعون والعربية بطلت مرة واحدة
انا قلت بيني وبين نفسي
يادي النحس
المنحوس منحوس
اول مرة اركب الباص النضيف ده يعمل فيها حادثة
المهم المعلم بتاع الباص كان غلطان مية مية
قام بهدوء رجع بالباص ورا ..
وقام عدل نفسه وخلع
المهم صاحب العربية القديمة عرف يشغل عربيته مرة تانيه
وقعد يجري ويتنطط قدامنا لعل وعسى بتاع الباص يقف ولكن هيهات
المعلم بتاع الباص زوود السرعة وخلع
بصراحة بصراحة
عاملين كأننا في فيلم اكشن
مطاردة بين عربية ملاكي و باص
المهم ..
وصلنا البيت بسرعة ..
قمت نزلت وطلعت جررري
جيت اطلب الاسانسير .. لقيته عطلااااان
ناديت عم سامح
يا عم ساااااااااااااااااامح الاسانسير عطلااان ليه
سامح : لا يا حبيبي .. دي الكهرباء فاصلة بس
ينهار اسود .. دنا في الدور التامن يا عم سامح
سامح : لا يا حبيبي .. مهو الاسانسير الفردي شغال
انا : يعني الكهرباء مخاصمة الاسانسير بتاعنا بس ؟؟؟
المهم ..
طلعت في الاسانسير الفردي في الاخر ونزلت دور بحاله من فوق ..
بس ده كان حل افضل من طلوع 8 ادوار
المهم ..
قعدت اخبط ع الجرز
ترررررن ترررررررن تررررررررررن ترررررن ترررررررن تررررررررررن ترررررن ترررررررن تررررررررررن
مفيش حد بيفتح برضه
قعدت اخببببببط لغايت ما جدتي حفظها الله وصلت لباب البيت وفتحتلي
قلتلها فين الجماعة يا تيتا
قالتلي لا دول خارجين شوية بس
المهم ..
دخلت وقعدت
اتفرجت ع التلفزيون شوية ..
بعدين فتحت اللابتوب ..
فتحت الالعاب الجماعية اللي بلعبها
بعدين افتكرت المدونة
بعدين فتحت المدونة و ضغطت على زر اضافة موضوع
وبسسسسسسس
وسلامتكم
ده كان ملخص ليوم غريب وعجيب من حياة طالب هندزة
اتمنى اني اكون خنقتكم كالعادة بقصص ايامي العجيبة
لا يوجد حالياً أي تعليق