منتديات الابداع و التميز

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الابداع و التميز


متولي هاينز مان

drabdo
drabdo
.:::مـــبـــدعـــ نـــشـــيط :::.
.:::مـــبـــدعـــ نـــشـــيط :::.

ذكر
عدد المشاركات : 30
العمر : 33
من وين عرفتنا ؟؟ : الحاج google ربنا يخليه
المبدع من أي دولهــ ؟؟ : انت حتناسبني ولا ايه
قوة السمعة : 0
نقاط العضو : 3995
تاريخ التسجيل : 27/12/2009

متولي هاينز مان Empty متولي هاينز مان

مُساهمة من طرف drabdo في الثلاثاء ديسمبر 29, 2009 12:09 pm

متولي هاينزمان







السلام عليكم



ملحوظة هامة جدا: هذه القصة غير واقعية، إنما الهدف منها السخرية من الجهل

أكرر: هذه القصة غير واقعية

أكرر عشان فيه ناس لا مؤاخذة بتتظاهر إنها تحت خط الذكاء: هذه القصة غير واقعية



ده نموذج (غير حقيقي ومبالغ فيه) للرسايل العقيمة اللى المسلمين بيتداولها دلوقتى



كان ياما كان

كان فيه راجل ملحد معادي للإسلام اسمه

' هاينزمان '

راح الراجل ده في مرة عشان يناظر أحد علماء المسلمين في القرن الثاني الهجري

ولما قابل فعلا أحد العلماء قال له بخبث ودهاء: تعالى بقى يا شيخ لما أغلبك في
مناظرة

تقدر تقول لي لما رقم اتنين قبله رقم واحد، يبقى رقم واحد قبله رقم كام؟؟؟

قال له الشيخ بكل ثقة: صفر



اندهش الملحد من ذكاء وعبقرية الشيخ

وقال: كيف لرجل في القرن الثاني الهجري أن يعرف هذه المعلومات

أشهد أن لا إله إلا الله

ورمى طاقية اليهود اللي كان لابسها على الارض، مع انه ملحد

ونزل على الأرض ليقبل تراب مصر عشان بلد الأزهر الشريف

والناس لما شافوه السنة اللي بعدها بيحج قالوا له: مش انت الراجل اليهودى الملحد (مش
عارف ازاى) اللي كنت بتحارب الاسلام طول عمرك؟

قال لهم: أنا أسلمت وغيرت اسمي لـ

' متولي هاينزمان '



وبعدها اترقى لحد ما بقى الرجل الاول والاوحد في وكالة ناسا لعلوم الفضاء

واتعمل له تمثال في ميدان العباسية نظرا لدفاعه المستميت عن الاسلام

لكن الانجليز لما دخلوا مصر قالوا: مش ده هاينزمان الرجل اليهودي الملحد اللى اسلم

ومن ساعت ما اسلم وهو مسهرنا الليل وعامل لنا رعب وقلق بدفاعه المستميت عن الاسلام

فلما جم يكسروا التمثال ... سبحان الله ... لقوا ايد التمثال اترفعت

والتمثال بيقول لهم، انا الجنى حارس التمثال

...امشوا من هنا يا اولاد الـ



ومن ساعتها والناس بتروح ميدان العباسية عشان تزور مقام سيدي هاينز

والعجيب والغريب والمريب والرهيب إنهم لما صوروا قبره بالليل لاقوه بينور

والراجل اللى صوره (اللى لحد دلوقتى مش عارفين هو مين) بيحلف انه شافه منور

يا حلاوة



وبعدين لما الامريكان حبوا يشوهوا صورة هاينز مان

عملوا كاتشب بلون الدم سموه 'هاينز' في اشارة الى الارهاب والعنف والدموية فى
الاسلام

شفتوا المؤامرة اللي ضد الاسلام عاملة ازاى

بعد كده الراجل صاحب فكرة الكاتشب دي لاقوه في شقته ميت محروق، مخنوق، غرقان، مضروب
بالنار، مشنوق

بس كوندوليزا رايس مكتمة على الخبر



ودي كانت قصة متولي هاينزمان

الشخصية الاسطورية اللي اخترعها صديقي أسامة عباس



اوعى تكون مش مصدق الاعجاز العلمي الجديد ده ولا حاجة

لو مش مصدق ابعت رسالة لـ'متولي هاينزمان' على الايميل ده

metwally.heinzmann@gmail.com



ده حتى بالأمارة الحاج أحمد حامل مفتاح الكعبة (شخصية أسطورية برضه) شاف 'متولي
هاينزمان' في المنام

وغير كده فيه واحدة اسمها فاطمة لما كان عندها الحصبة والدكاترة قالوا لها هتموتي
يعني هتموتي، شافت 'متولي هاينزمان' برضه في المنام

( ماهى طبعا لازم يكون اسمها فاطمة عشان تبقى ماشية مع القصة، يعني هيبقى اسمها
فكيهة مثلا؟؟؟ )

وقال لها حال المسلمين مش عاجبني يافاطمة والناس بقيت وحشة اوي اوي

والحل (ومافيش حل غيره) إنك تبعتي الرسالة اللى انا كاتبها لك على حتة القماش دي
لكل الناس

( ماهي لازم برضه تبقى قماشة، يعني هيعملها لها على ورقة 'ايه فور' مثلا؟؟؟ )



فضلا، مش امرا ولا بالعافية

ما تخليش الرسالة دي تقف عند جهازك

ولا تخليها تقعد عند جهازك

اقول لك ... امسحها من سكات كده



او ابعتها لـ13 شخص عشان 'متولى هاينزمان' يجي لك فى المنام وهيقول لك على خبر كويس

واحد ضابط بعت الرسالة دي جت له ترقية في نفس اليوم بعد 13 دقيقة وماحدش عرف موضوع
الـ3 اللى كان بيعذبهم يومها

وواحد تاجر اهملها وقعد يتتريق عليها خسر كل ثورته فى 13 دقيقة

واحد في هندسة عين شمس نشرها جاله امتحان الفيلد سهل جدا جدا ولقى نفسه عمال يحل
كويس

وواحد زميله فى نفس السكشن اهمل الرسالة جاله امتحان الميكانيكا صعب

واحد تاجر أدوات صحية كبير، استهزأ بيها فاتحشر في التواليت اللي في المحل عنده

وواحد تاجر مخدرات رهيب، فنشرها 1256934 مرة فوروورد فالحمد لله، صفقة الهيروين
اللي جاية من ليبيا عدّت على خير



انشرها يمكن تاخد ذنب حلو

او يمكن تكون تلكيكة عشان تاخد ايميل صاحبتك وتبعتها لها

بس خليها

BCC

والا مصر كلها هتعرف ايميل صاحبتك

ويا سلام بقى لو هي ترد عليك بنفس الرسالة

عشان تتطمنوا ان الحب بينكم لسه مستمر مهما كانت الظروف



وبعدين خلى بالك من حاجة مهمة جدا

شركة هوت ميل برعاية 'هاينزمان' وشركاه بقالهم 5 سنين بيقولوا ان الشركة خلاص بتفلس
والخدمة هتبقى بفلوس بعد كده

الا لو انت بعت رسالة 'هاينزمان' دي لـ13 شخص، ساعتها هتفضل الخدمة بالنسبة لك
ببلاش

وطبعا مش لازم يقعدوا يحلفوا ان المرة دي هم صادقين، عشان الشعب المصري غلبان
وبقاله 5 سنين بيصدق على طول



أنشرها فقط لأن فيها

' لا إله إلا الله '

يعني مش مهم كل الهجص اللي مكتوب ده، المهم تنشرها عشان فيها

' لا إله إلا الله '



وده كان مثال مبسط للجهل اللى احنا عايشين فيه

ربنا يهدينا



ملحوظة: يمكن ناس كتير تبقى مش عارفة أنا باتتريق على ايه بالضبط

بس معلش، اعتبروا المعني في كرش الشاعر



والسلام عليكم



منقول

أرجوووووووك

ماتنشرش حاجة إلا لما تتأكد من صحتها الأول

ولا حديث ولا دعاء ولا إعجاز علمى ولا خبر ولا أى إيميل

(سبحان الله وبحمده، سبحان الله العظيم)


ahmedalaa
ahmedalaa
..::::.. الـمـديـر الـعـام لـلـمـبـدعـيـن ..::::..
   ..::::.. الـمـديـر  الـعـام لـلـمـبـدعـيـن ..::::..

ذكر
عدد المشاركات : 2630
العمر : 28
من وين عرفتنا ؟؟ : مدري ؟؟
المبدع من أي دولهــ ؟؟ : مصر
قوة السمعة : 23
نقاط العضو : 5284
تاريخ التسجيل : 17/07/2007

متولي هاينز مان Empty رد: متولي هاينز مان

مُساهمة من طرف ahmedalaa في الثلاثاء ديسمبر 29, 2009 5:56 pm

ههههههههههههههههههههههههه

فعلا قصة رائعة

ولكنها غير واقعية

متولي هاينز مان 147858

لا بجد الموضوع جامد

يستاهل التثبيت و الارسال للأعضاء كمان

متولي هاينز مان 705166


---------------------------------------- (التؤؤؤقيع) ----------------------------------------
<div style="text-align: center;">!.. جآآآآري انشاء توقيع ..! <br><br><br></div>
drabdo
drabdo
.:::مـــبـــدعـــ نـــشـــيط :::.
.:::مـــبـــدعـــ نـــشـــيط :::.

ذكر
عدد المشاركات : 30
العمر : 33
من وين عرفتنا ؟؟ : الحاج google ربنا يخليه
المبدع من أي دولهــ ؟؟ : انت حتناسبني ولا ايه
قوة السمعة : 0
نقاط العضو : 3995
تاريخ التسجيل : 27/12/2009

متولي هاينز مان Empty رد: متولي هاينز مان

مُساهمة من طرف drabdo في الأربعاء ديسمبر 30, 2009 2:00 pm

ما اهو انا قول القصة غير واقعية ولكنها للسخري من الجهل

    الوقت/التاريخ الآن هو الجمعة أكتوبر 30, 2020 1:43 pm