بدون عنوان ..!

ahmedalaa: ..::::.. الـمـديـر الـعـام لـلـمـبـدعـيـن ..::::..; عدد المشاركات : 2630
العمر : 31
من وين عرفتنا ؟؟ : مدري ؟؟
المبدع من أي دولهــ ؟؟ : مصر
قوة السمعة : 23
نقاط العضو : 6558
تاريخ التسجيل : 17/07/2007

13012010

بدون عنوان ..!

من طرف ahmedalaa

بسم الله الرحمن الرحيم ..

مرحبا شباب ..

كيف الاحوال ؟؟

ان شاء الله بخير ..

طبعا اليوم مفيش حاجة في دماغي اكتبها لكم بصراحة ..

عشان كده هنعمل عنوان الموضوع بدون عنوان بدون عنوان ..! Icon_neutral

امبارح نمت الساعة 2 بليل عشان ارسم ام لوح الرسم الهندسي عشان انهارده كان اخر يوم لتسليم اعمال الرسم الهندسي اللي المفروض نعملها الشهر اللي فات بدون عنوان ..! Icon_pirat

طبعا اخوكوا في الله افتكر ان وراه واجبات منيلة بستين نيلة بعد ما كتبت التدوينة بتاعت امبارح ...

واضطررت اقعد 5 ساعات متواصلة عشان ارسم ويطلع عين ...... (كملوا انتوا الفراغ بقا ) بدون عنوان ..! Icon_pale

المدونة دي متراقبة من قبل مخابرات امن منزلنا بدون عنوان ..! Kopfschuettel

نرجع لحوارنا ..

رحت الكلية انهارده وانا نايم ..

مش عارف ازاي دخلت الكلية ..

حتى رجل الامن وهوا بيقولي طلع الكارنيه طلعت الكارنيه من ظهره من الناحية الفاضية بدون عنوان ..! Icon_santa

وتم دخول الكلية بسلام و الحمدلله ..

بعد ما دخلت طبعا الشباب لازم يهزروا معاك الهزار الخفيف ..

واحد يزقك .. التاني يرخم عليك ..

يخلوا عفاريت الظهر تتنطط جوا عينيك ويطيروا النوم من عينك وتبدأ تصحصح بدون عنوان ..! Icon_evil

رحنا وقفنا في طابور العيش ..

قصدي طابور تسليم اللوح ..

طبعا صاحبكوا يا اما ياخد بيتا او الفا ماينس ..

يعني ماشي الحال ..

بعدين نقعد نلف حوالين نفسنا شوية في الكلية ..

لغايت ما نلاقي المدرج بتاع الدكتور اللي هيشرح فيه رياضيات ..

دكتور الرياضيات يدخل ويكتب 1999 مسألة ع السبورة في كسر اقل من الثانية بدون عنوان ..! Affraid

>> افتكاسة قديمة وملهاش معنى .. انا عارف شعوركوا من غير ما تقولوا بدون عنوان ..! Bom

ده كان تعبير عن ضخامة المحاضرة و البلاوي اللي بتنكتب ع السبورتين ..

صحيح نسيت اقولكوا

في المدارس زمان كان عندنا سبورة واحدة ..
انما في الكلية عندنا سبورتين لازقين في بعض ..

عشان الدكتور ياخد راحته شوية في الكتابة و يكسروا ادينا احنا كمان ..

بعد كده الدكتور خلص و مشي وسابنا ..

الطلاب تفرقوا الى عدة مجموعات ..

مجموعة روحت البيت ..

مجموعة خرجت تشم نفسها برة ..

مجموعة فضلت الجلوس مكانها في المدرج ..

انا طبعا كنت مخنوق من نفسي كالعادة ...

رحت خرجت برة اشم نفسي واتفرج على الملاعب اللي بيلعب فيها الناس الفاضية بتاعت الكليات الفاضية اللي مبيحضروش محاضرات بدون عنوان ..! Icon_basketball

الفرجة عليهم بتجيب اعاقة في المخ وشلل في الانف بسبب التخلف في لعب الكورة ..

الواحد يرجع وهوا نفسه مسدودة كالعادة للمحاضرة ..

يدخل علينا 3 دكاترة للفيزياء >> يا فتاح يا عليم يا رزاق يا كريم بدون عنوان ..! Icon_pirat

عاملين زي العصابة بدون عنوان ..! Icon_tongue

كل واحد يقول اللي نفسه فيه ..

محدش بيفهم اي حاجة كالعادة ..

ثم نخرج من المحاضرة ونحن في قمة السعادة والخنقة ..

ازاي الاتنين مع بعض ؟؟

مش عارف بصراحة

على فكرة انا بكتب وانا نايم ..

محدش يحاسبني على الاخطاء الاملائية ..

بعد كده ركبنا الباص اللي المفروض يرجعنا البيت ..

رجع من طريق تاني غير الطريق بتاعنا ..

انا قعدت اقول لنفسي يمكن انا نايم بس ولا حاجة .. لأني كنت تعبان ..

لقيت نفسي مش نايم ..

قمت رحت سألت العم حسن :

اي يا عم حسن .. انت غيرت الخريطة ولا ايه ؟؟

لا يا حبيبي .. بس انا بجرب طريق تاني

ههههههههه

بيجرب الطريق فينا احنا بدون عنوان ..! Icon_pale

هوا ده اللي كان ناقص

رجعت البيت .

مسكت اللابتوب ..

فتحت المنتدى ..

اهلي حواليا عمالين يقطموا فيا

قوم من على الجهاز ..

وانا مكبر (الجي) كالعادة

فتحت المدونة ..

كتبت الموضوع لكم ..

وانتهت فصة اليوم ... والتي كانت بعنوان بدون عنوان)

اتمنى اني اكون خنقتكم زيادة كالعادة بدون عنوان ..! Herz

ونشكر لكم حسن قراءتكم

وسلامتكم

بدون عنوان ..! 534548

مُشاطرة هذه المقالة على:

لا يوجد حالياً أي تعليق

منتديات الابداع و التميز

بدون عنوان ..!

بدون عنوان ..!