الناس فاضية
جالسة يبعثوا الايميلات لبعض من جهاز الكمبيوتر يقولون فيه قاطع المنتجات الأمريكية،
وهم قاعدين في ستاربكس بعد ما اتعشوا في كنتاكي و معاهم "تيك أوي" من
ماكدونالدز.
أولا: المقاطعة:
قاطع المنتجات الأمريكية لأنها بتدعم اسرائيل.
قاطع المنتجات البريطانية لأنها بتدعم أمريكا.
قاطع المنتجات الدينامركية عشان الكاريكاتير.
قاطع المنتجات الهولندية عشان الفلم.
قاطع المنتجات الألمانية لأنها في نفس قارة الدول السابق ذكرها.
ثانيا: الصحة:
لا تشرب بيبسي لأنه يحتوي على مواد تنظيف و عصارة خنزير.
لا تشرب ريد بول لأنه يسبب عقم.
لا تستعمل مزيل العرق و لا الشامبو و لا الصابون لأنه يسبب سرطان.
لا تأكل لحم البقر لأنه يسبب جنون البقر.
لا تأكل دجاج لانه يسبب انفلونزا الطيور
لا تأكل سمك لانه يسبب المد الأحمر
لا تأكل خضار و لا فواكه لأنها كلها هرمونات
لا تشرب ماء لأنه معالج بالكلور
لا تأكل معلبات لأنها تحتوي على مواد حافظة
لا تشرب عصير طبيعي لأنه يأتي على شكل عصارة مركزة
لا تشرب عصير غير طبيعي لأنه كله ألوان
طيب يعني أيش آكل .. آكل هواء يعني ؟!!! ..... لأ طبعا لأنه الهواء ملوث بعوادم السيارات و المصانع.
و اذا خالفت النواهي السابقة كلها، دخلنا على العادات:
لا تشرب ماء بعد الأكل.
لا تنام و لا تمشي و لا تقعد بعد الأكل.
لا تدخن و لا تشرب شاي و لا قهوة بعد الأكل
أحسن شي .... انك تاكل و تنتحر!!
لا تخلي الماء في الثلاجة داخل علب بلاستك لأنه مسرطنة
و لا تخلي في زجاج للأنه ممكن ينكسر بدون ما تعرف و تشربه و تموت.
و لا تخلية برة الثلاجة لأنه ممكن يتلوث.
و لا تشرب من الحنفية لأنها مش نظيفة
و لا تشرب مية صحة لأنها معبئة من الحنفية أو مكررة و فيها مواد مسرطنة.
لا تتكلم عالموبايل بدون سماعة عشان الموجات تقتل خلايا المخ
و لا تتكلم عن طريق السماعة عشان الكهرباء الساكنة
و لا تتكلم عن طريق البلوتوث عشان الموجات برضو تقتل خلايا المخ.
(يعني كل العالم الي عايشين هالأيام عايشين بدون مخ)
لا تخلي الهوا يدور في السيارة لما تشغل التكييف لأنه يتلوث من التنفس.
و لا تخلي الهوا يجي من بره لأنه ملوث.
لا تعبي بنزين الصبح عشان الكثافة عالية
و لا تعبي في الليل عشان الكثافة واطية
و اشرب خل عشان يحرق الدهون .... و لا تشرب خل عشان يسبب قرحة
و اطلع في الشمس عشان فيتامين "د" .... و لا تطلع في الشمس عشان الأوزون.
ثالثا: الدين:
ابعث هذا الايميل لجميع من عندك الله يعطيك 25864973 حسنة .... (الظاهر الي باعث الايميل مكشوف عنه الحجاب)
شخصاً ما حلم انه الرسول (صلى الله علية و سلم) قاله انه لازم يبعث الرسالة.
و يجيلك ايميل آخر مكتوب في أوله أقسم انك تبعث الايميل لكل الي تعرفهم و بعدين يتم يذكرك انك أقسمت.
(ماسك عليك ممسك)
و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)
و ايميل يقولك أحاديث كاذبة و اذا ما بعثتها فأنت مقصر
و ايميل يقولك "دعاء مرة واحدة في العمر" (يعني ادعية و افجر نفسي)
و ايميل يقولك "دعاء هز عرش الرحمن"
و ايميل يقولك "دعاء من دعاه حققت له 100 أمنية" (هذا مصباح سحري!)
و بعدين فتوى الرضاعة
و فتوى تحريم "البوكيمون"
و فتوى تحريم "البلايستيشن"
و فتوى قتل "ميكي ماوس"
واحلى فتوى فيهم "عدم دخول المرأة النت بدون محرم"
يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعث ايميلات .
ملاحظة:
اذا قرأت الموضوع وما اعجبك راح يطلعلك جني سويسري راكب بنتلي، واذا قرأت
الموضوع ولا رديت علية راح أطلعلك أنا كل يوم في المنام و اقولك "ليش ليش
ليش ليش ما رديت" للصبح
