بسم الله الرحمن الرحيم ..
كيفكم شباب ؟؟؟
اكيد كويسين ان شاء الله
كيفكم شباب ؟؟؟
اكيد كويسين ان شاء الله
اليوم خلصنا امتحان الفيزياء ولله الحمد ..
على قد ما كان الامتحان رزل .. بس الواحد نفسيته ارتاحت جداا لأن المادة دي كانت عاملة عقدة نفسية غريبة
الموووهمز ..
صحيت الصبح انهاردة مخضوض على غير العادة .. وصحيت قبل المنبه بخمس دقايق برضه ..
بصراحة الحكاية دي غريبة .. بقيت بصحى قبل ما المنبه يرن بحاجة بسيطة ..
المهم ..
فطرت ولبست هدومي .. ونزلت الساعة تمانية الا 5 دقايق عشان الحق ام الباص اللي فاتني الخميس اللي فات مع اني كنت نازل تمانية وعشرة ..
المهم ....
تنيتني واقف حوالي نص ساعة على ما الحج حسن وصل بالسلامة وركبت معاه ..!
وصلنا للاكاديمية ودخلت مبنى الاعلام لأن الجو فيه هادئ جداا عن مباني الهندسة .. والواحد يقدر يراجع فيه خلال الخمس ساعات اللي هنقعدهم قبل الامتحان ..!
قعدت لفيييييييت في المبنى كله عشان الاقي مدرج فاضي او سيكشن او اي حاجة ..
لكن مفيش للأسف ..!
اضطررت اني انزل للكافيتيريا واقعد فيها ..!
طبعا مقولكوش ..
الكافيتيريا ديه بتلم شوية شباب زي العسل .!.
يخلوك تكره حاجة اسمها المذاكرة ويضلموا الدنيا في وشك ..!
المهم ..
قعدت شوية على كرسي لوحدي جنب تربيزة الشباب اللي انا اعرفهم ...
يعني قاعد قريب منهم بس مش معاهم عشان مكنتش عايز اكلم حد ..!
مقولكوش بقا ع الحاجات اللي بتحصل ..!
مرة واحدة تلاقي اصوات ضحكات كلها ميووعة من البنات ..
وتلاقي الشباب مشغلين اغاني تجيب المغص في المخيخ و الصداع في البطن
المهم ..
انا طبعا ولله الحمد متأقلم مع الاجواء العجيبة اللي بتحصل حواليا وبعمل نفسي مش سامع كالعادة .!.
لغايت ما ربنا سهل و الخمس ساعات عدوا على خير ..!
بعد كده دخلنا الامتحان وقعدنا 3 ساعات الا انا اللي قمت بعد 3 ساعات الا عشر دقايق
بحب اكون مختلف عن الناس في حاجات بسيطة جداا ..
المهم ..
طلعت بدري عشر دقايق بحالهم من الامتحان ..
نزلت تحت ..
لقيت الناس اللي فاقده الامل من الامتحان ..
واحد بيشرب سجاير وعايش الجو ..
وبنات واقفين يدحكوا مع ولاد عمال على بطال ..!
وناس ماشية تكلم نفسها ..
وواحد واقف وحاطط وشه في الحيطة ..
ومناظر غريبة جداا .. المفروض انها تكون اوجه مهندسين ..
بس هيا للأسف شبه مهندسين .. مش مهندسين بالظبط اوي ..!
المهم ..
انا مشيت من وسط المناظر العجيبة دي ورحت صليت العصر ..
بعد كده طلعت من الكلية ورحت ادور ع الباص ..!
فينك يا عم حسن .. فينك يا عم حسن ..!
لم يتم العثور على عم حسن .. الرجاء التأكد من الاسم مرة اخرى >>> بدأنا نخرف
ملقيتش باص عم حسن ..
قمت رحت عند الاستاذة دعاء او سعاد او حاجة على نفس الوزن ده يعني ..
وقلتلها انا عايز الباص اللي بيروح على مدينة نصر ..
وشاورتلي عليه ..!
رحت هناك لقيت امم واقفة جنب الباص ..!
ينهار ازرق ...
المفروض الاعداد دي كلها تركب باص واحد بس
المهم ان الباص كان قافل الباب ..
يدوبك اول ما فتح الباب ..
لقيت هجوم التتار على الباص ..
قمت هجمت معاهم بسرعة على الباص ..!
طبعا البنات كانوا واقفين على الباب و الولاد عاملين نفسهم محترمين وواقفين على نار ..!
طبعا بعضهم بدأ يتدلع في الطلوع قام ولد داخل ورا واحدة منهم و قام الولاد هجموا وراه علطول لغايت ما جيه دوري وعملت فيها جنتل مان وخليت البنات الباقين يركبوا
المهم ..!
ركبنا الباص وظللنا واقفين في مكاننا حوالي نص ساعة او اكتر بشوية..
وكان طبعا الباص مليان على الاخر ..
الكراسي كلها مليانة و الاماكن الفاضية كلها مليناة ناس واقفة ومنظرمرعب بصراحة ..!
المهم ..
قالوا للناس الواقفة فيه باص تاني تقريبا لمدينة نصر .. قامت الزحمة اختفت في ظرف ثواني ..
و الباص بعدها بدأ بالتحرك .!.
بعد كده وصلنا للبيت ولله الحمد ...
وانا قعدت على اللابتوب وفتحت الموقع بتاعي ثم قسم مدونتي ثم كتابة تدوينة جديدة وبدأت بكتابة هذه التدوينة اللي قدامكوا ..!
معلش تدويناتي الايام دي بقت عن حياتي فقط لأني مش عارف افكر اجيب مواضيع جديدة ..
الحكاية دي هتبقى مؤقتة لغايت ما تخلص الامتحانات ان شاء الله ..!
ادعولنا بالتوفيق بقا يا جماعة
على قد ما كان الامتحان رزل .. بس الواحد نفسيته ارتاحت جداا لأن المادة دي كانت عاملة عقدة نفسية غريبة
الموووهمز ..
صحيت الصبح انهاردة مخضوض على غير العادة .. وصحيت قبل المنبه بخمس دقايق برضه ..
بصراحة الحكاية دي غريبة .. بقيت بصحى قبل ما المنبه يرن بحاجة بسيطة ..
المهم ..
فطرت ولبست هدومي .. ونزلت الساعة تمانية الا 5 دقايق عشان الحق ام الباص اللي فاتني الخميس اللي فات مع اني كنت نازل تمانية وعشرة ..
المهم ....
تنيتني واقف حوالي نص ساعة على ما الحج حسن وصل بالسلامة وركبت معاه ..!
وصلنا للاكاديمية ودخلت مبنى الاعلام لأن الجو فيه هادئ جداا عن مباني الهندسة .. والواحد يقدر يراجع فيه خلال الخمس ساعات اللي هنقعدهم قبل الامتحان ..!
قعدت لفيييييييت في المبنى كله عشان الاقي مدرج فاضي او سيكشن او اي حاجة ..
لكن مفيش للأسف ..!
اضطررت اني انزل للكافيتيريا واقعد فيها ..!
طبعا مقولكوش ..
الكافيتيريا ديه بتلم شوية شباب زي العسل .!.
يخلوك تكره حاجة اسمها المذاكرة ويضلموا الدنيا في وشك ..!
المهم ..
قعدت شوية على كرسي لوحدي جنب تربيزة الشباب اللي انا اعرفهم ...
يعني قاعد قريب منهم بس مش معاهم عشان مكنتش عايز اكلم حد ..!
مقولكوش بقا ع الحاجات اللي بتحصل ..!
مرة واحدة تلاقي اصوات ضحكات كلها ميووعة من البنات ..
وتلاقي الشباب مشغلين اغاني تجيب المغص في المخيخ و الصداع في البطن
المهم ..
انا طبعا ولله الحمد متأقلم مع الاجواء العجيبة اللي بتحصل حواليا وبعمل نفسي مش سامع كالعادة .!.
لغايت ما ربنا سهل و الخمس ساعات عدوا على خير ..!
بعد كده دخلنا الامتحان وقعدنا 3 ساعات الا انا اللي قمت بعد 3 ساعات الا عشر دقايق
بحب اكون مختلف عن الناس في حاجات بسيطة جداا ..
المهم ..
طلعت بدري عشر دقايق بحالهم من الامتحان ..
نزلت تحت ..
لقيت الناس اللي فاقده الامل من الامتحان ..
واحد بيشرب سجاير وعايش الجو ..
وبنات واقفين يدحكوا مع ولاد عمال على بطال ..!
وناس ماشية تكلم نفسها ..
وواحد واقف وحاطط وشه في الحيطة ..
ومناظر غريبة جداا .. المفروض انها تكون اوجه مهندسين ..
بس هيا للأسف شبه مهندسين .. مش مهندسين بالظبط اوي ..!
المهم ..
انا مشيت من وسط المناظر العجيبة دي ورحت صليت العصر ..
بعد كده طلعت من الكلية ورحت ادور ع الباص ..!
فينك يا عم حسن .. فينك يا عم حسن ..!
لم يتم العثور على عم حسن .. الرجاء التأكد من الاسم مرة اخرى >>> بدأنا نخرف
ملقيتش باص عم حسن ..
قمت رحت عند الاستاذة دعاء او سعاد او حاجة على نفس الوزن ده يعني ..
وقلتلها انا عايز الباص اللي بيروح على مدينة نصر ..
وشاورتلي عليه ..!
رحت هناك لقيت امم واقفة جنب الباص ..!
ينهار ازرق ...
المفروض الاعداد دي كلها تركب باص واحد بس
المهم ان الباص كان قافل الباب ..
يدوبك اول ما فتح الباب ..
لقيت هجوم التتار على الباص ..
قمت هجمت معاهم بسرعة على الباص ..!
طبعا البنات كانوا واقفين على الباب و الولاد عاملين نفسهم محترمين وواقفين على نار ..!
طبعا بعضهم بدأ يتدلع في الطلوع قام ولد داخل ورا واحدة منهم و قام الولاد هجموا وراه علطول لغايت ما جيه دوري وعملت فيها جنتل مان وخليت البنات الباقين يركبوا
المهم ..!
ركبنا الباص وظللنا واقفين في مكاننا حوالي نص ساعة او اكتر بشوية..
وكان طبعا الباص مليان على الاخر ..
الكراسي كلها مليانة و الاماكن الفاضية كلها مليناة ناس واقفة ومنظرمرعب بصراحة ..!
المهم ..
قالوا للناس الواقفة فيه باص تاني تقريبا لمدينة نصر .. قامت الزحمة اختفت في ظرف ثواني ..
و الباص بعدها بدأ بالتحرك .!.
بعد كده وصلنا للبيت ولله الحمد ...
وانا قعدت على اللابتوب وفتحت الموقع بتاعي ثم قسم مدونتي ثم كتابة تدوينة جديدة وبدأت بكتابة هذه التدوينة اللي قدامكوا ..!
معلش تدويناتي الايام دي بقت عن حياتي فقط لأني مش عارف افكر اجيب مواضيع جديدة ..
الحكاية دي هتبقى مؤقتة لغايت ما تخلص الامتحانات ان شاء الله ..!
ادعولنا بالتوفيق بقا يا جماعة
لا يوجد حالياً أي تعليق