منتديات الابداع و التميز


..!.. خلصنا امتحان الرسم ..!..

شاطر
avatar
ahmedalaa
..::::.. الـمـديـر الـعـام لـلـمـبـدعـيـن ..::::..
   ..::::.. الـمـديـر  الـعـام لـلـمـبـدعـيـن ..::::..

ذكر
عدد المشاركات : 2630
العمر : 25
من وين عرفتنا ؟؟ : مدري ؟؟
المبدع من أي دولهــ ؟؟ : مصر
قوة السمعة : 23
نقاط العضو : 4231
تاريخ التسجيل : 17/07/2007
16012010

..!.. خلصنا امتحان الرسم ..!..

مُساهمة من طرف ahmedalaa

بسم الله الرحمن الرحيم


الواحد رجع البيت وهوا مش مصدق نفسه ... رغم ان ظهري اتقطم من الرسم لمدة 4 ساعات متواصلة بدون انقطاع ..!

كان يوم عصيب فعلا ..!

الواحد عينه احولت خلاص

وظهره اتقطم

ومخه هنج

و المخ اخد اجازة مفتوحة


بس الحمدلله ..

اتخلصنا من هم كبير ..!


باقي الموارد بعد كده محتاجة مذاكرة بس بدون تخيلات

يعني عشان نرسم انهارده كان الواحد محتاجة مخيلة واسعه اوي عشان يعرف يكمل الرسم ..!

انما باقي الموارد محتاجة فهم ومذاكرة وخلاص ..!


يلا .. ربنا يسهل ان شاء الله ..!


بصراحة اليوم انهارده عادي جداا ..

مكنش فيه اي موقف غريب الا موقف واحد بس


ان في طالب هندسة اسمه احمد .. عشان تعرفوه كويسة .. هوا بيكتب تدوينات كل يوم وبيقرفكوا بيها ..

االلي لسه معرفش هوا مين ..

اكيد انا


المهم ..

كل طلاب الهندسة رايحين ومعاهم مساطر حرف

T

المهم ..

الا الطالب ده ..

مرضاش ياخد المسطرة معاه الصبح ..

قال ايه ...

مش محتاج المسطرة ..!


المهم رحت هناك ..

لقيت العالم كلها جايبة مساطر الا انا وواحد كمان بس ..

احنا الاتنين مش جايبين مساطر ومنظرنا كان زي الفل

المهم ..

انا دخلت اللجنة

لقيتهم بيسلمو لنا لوح كبيرة محتاجة مساطر حرف تي عشان نعرف نرسم فيها ..!

المهم ..!

انا طبعا طلع عينيا على ما عرفت ارسم من غيرها بس الحمدلله الامتحان عدا على خير ..!

هوا ده الموقف الوحيد اللي قابلني انهارده ...!

لما جيت البيت وفتحت الميل ..!

لقيت مواضيع المنتديات الفكسانة ..

اللي بتدور على عناوين تافهة عشان تجذب زوار ..

انا كالعادة بطفش من كتر ما بحذفها ..

جيت قلت

اما اشوف المرة دي ايه نظام المواضيع ..!

كل مرة عمالين يسخنوا في المواضيع

شوية وهيحولوا منتديات لمنتديات جنسية من البلاوي اللي بيكتبوها ..

المهم في نفس الرسالة بيبقا في مواضبع تانيه عادية ..

بيحطوها كلها فوق الموضوع الساخن عشان الناس تبقا تبص عليها في السكة يعني ..

فتحت المواضيع العادية ..

الردود صفحة او اتنين بالكتيررررررررر

انما المواضيع الساخنة

اكتر من 8 صفحات ردود

وكل رد بيحكوا فيه رواية



بصراحة حاجة تكسف ..!

العرب معتش حاجة تهمهم غير الجنس و المواضيع الجنسية ..

معتش بيهمهم المواقع التعليمية و لا المواضيع المهمة و لا التدوينات اللي تفتح النفس زي بتاعتي >> عارف عارف شعوركوا ناحيتي


يلا ..

كل يوم ادينا بنشوف حاجات جديدة وبلاوي جديدة ..!

الامتحان الجاي بعد اسبوع ان شاء الله ..!.

ارجو من الجميع الدعاء لي بالتوفيق ان شاء الله

محدش يدعي عليا لحسن



انا عارف انكوا بتحبوني


يلا


استأذن انا بقا





---------------------------------------- (التؤؤؤقيع) ----------------------------------------
<div style="text-align: center;">!.. جآآآآري انشاء توقيع ..! <br><br><br></div>
مُشاطرة هذه المقالة على: diggdeliciousredditstumbleuponslashdotyahoogooglelive


    الوقت/التاريخ الآن هو الثلاثاء ديسمبر 12, 2017 1:49 am