منتديات الابداع و التميز


انهارده مطش :(

شاطر
avatar
ahmedalaa
..::::.. الـمـديـر الـعـام لـلـمـبـدعـيـن ..::::..
   ..::::.. الـمـديـر  الـعـام لـلـمـبـدعـيـن ..::::..

ذكر
عدد المشاركات : 2630
العمر : 25
من وين عرفتنا ؟؟ : مدري ؟؟
المبدع من أي دولهــ ؟؟ : مصر
قوة السمعة : 23
نقاط العضو : 4231
تاريخ التسجيل : 17/07/2007
12012010

انهارده مطش :(

مُساهمة من طرف ahmedalaa

بسم الله الرحمن الرحيم


واحنا راجعين انهارده من الكلية .. الشوارع زحمة زحام مش طبيعي ..

المشوار من الكلية لغايت البيت .. كان بياخد ساعة .. رجعنا في ساعة ونص

طبعا نص ساعة في وقت المهندس المبتدئ زيي بتفرق معاه كتير ..

كان ممكن اعمل اي حاجة

اشرب كباية مية مثلا


لا بس بجد كان زحام لا يطاق ..

كل ده عشان مطش كورة بين مصر و نيجيريا ..!

بيفكروني باليوم اللي كان فيه مطش مصر و الجزائر .. بس بشكل مصغر اكتر بكتير

كانت الشوارع مقفولة بمعنى الكلمة


كانت الناس واقفة في نص الشارع زي ما يكونوا عاملين اعتصام ..

و البعض الاخر كان قاطع الشارع بشريط من الجاز ومولعين نار عشان العربيات متعديش ..

وكانت العملية زبالة خالص

كل ده في مدينة نصر

اللي المفروض يكون اكثر الاحياء رقيا في مدينة القاهرة ..

انا مش عارف في باقي مناطق القاهرة العشوائية و محافظات مصر عملوا ايه

كل ده وفي الاخر خسرنا من الجزائر برضه ..!


ما علينا ..

القصد من الحوار الفكسان ده كله ..

مش معنى ان عندنا مطش لازم نعطل ام الشوارع كلها عشان نعرف العالم كله ان فيه مطش ..

فعلا ده التخلف بعينه ..


ليه منكونش محترمين واحنا بنتابع مطش ..

ليه نفضح الدنيا ونعطل مصالح الناس ؟؟

وفي الاخر ممكن نفوز وومكن نخسر برضه

يعني كل اللي عملناه ملهوش لزمة خالص ..

لازم يكون فيه مخ شوية


ولا المخ واخد اجازة كالعادة ؟؟

انا بتفرج على عمرو اديب ..

عمال يتريق على مطش الجزائر بتاع امبارح تريقة مش عادية


عمال يتريق ع الناس اللي كانوا بيتفرجوا ع المطش امبارح لأنوا كان قاعد في القهوة مع الناس العاديين

فعلا بقينا تريقة على لسان اي حد ..

بسبب افعالنا التافهة ..

على فكرة انا بكتب الموضوع ده و المطش بتاع مصر و نيجيريا شغال ..


بكرة نبقى نعرف النتيجة يا سيدي ..

يا خبر انهارده بفلوس بكرة تاخد عليه فلوس >>> افتكاسة جديدة من عندي


يلا بقا ..

معتش عندي كلام اقوله ..

كل ما هلاقي نفسي فاضي ان شاء الله هوجع دماغكوا في المدونة بتاعتي ان شاء الله ..

وانتظروا مني افتكاسات جديدة وحصرية


سلاموز بالموز



---------------------------------------- (التؤؤؤقيع) ----------------------------------------
<div style="text-align: center;">!.. جآآآآري انشاء توقيع ..! <br><br><br></div>
مُشاطرة هذه المقالة على: diggdeliciousredditstumbleuponslashdotyahoogooglelive


    الوقت/التاريخ الآن هو الثلاثاء ديسمبر 12, 2017 1:50 am